Иранда бірнеше ядролық оқтұмсық жасауға жететін уран қоры сақтаулы. Бірақ бұл Ислам Республикасында ядролық қару бар деген сөз емес. Мұны Халықаралық атом энергиясы жөніндегі агенттіктің бас директоры Fox News телеарнасына берген сұхбатында мәлімдеді. Рафаэль Гроссидің айтуынша, агенттіктің Тегеранның ядролық қару бойынша жоспары барына нақты дәлелі жоқ.

Айта кетейік, 8 күн бұрын Израиль Иранға қарсы әскери операция бастады. Салдарынан Ислам Республикасында 639 адам қаза болды. Ал Иранның қарымта шабуылынан Израильде 24 бейбіт тұрғын көз жұмды.