Маңғыстауда машина жасау және ІТ салада білікті кадрларға сұраныс жоғары.

Мәселені шешу мақсатында өндіріс орындары арнаулы орта оқу орындарымен әріптестікті байланысты күшейтуді қолға алған. Мақсат — колледжде білім алушыларды тәжірибеден өтуге шақыру. Оқуды бітірген соң сол жерге жұмысқа алынады. Мәселен, Маңғыстау жоғары политехникалық колледжін биыл 425 студент аяқтайды. Түлектердің 75%-ы жергілікті кәсіпорындарға барады деп күтілуде. Қазір олардың алды болашақ жұмыс орнынан анықтама ала бастаған. Бұл туралы Ақтауда өткен форсайт-сессияда айтылды. Аталған шара биыл өңірде екінші рет ұйымдастырылып отыр.

Зарипа Шолтанова, колледж директоры:

Жыл сайын өзіміздің бітіруші түлектерімізге мониторинг жасалынып отырады. Және осы бойынша бір жыо бойы есепке алып отырамыз. Қай білім алушы қай жерлерге орналасты немесе қандай жерлерде жүр деген. Бізде қазіргі таңда 75 пайыз көрсеткішпен біздің білім алушыларымыз жұмысқа орналасқан дерегіміз бар. Соның ішінде өз мамандықтары бойынша жұмысқа орналасуын біз қадағалаймыз.