Алматы облысында Талғар өзеніне ағып кеткен жеткіншектің денесі табылды. Марқұмның денесін құтқарушылар оқиға орнынан бірнеше шақырым жерде орналасқан өзен платинасының үстінен тапқан, — деп хабарлайды Massaget.kz тілшісі "КТК" телеарнасына сілтеме жасап.

ТЖД өкілінің айтуынша, баланың денесі қоқыс сүзетін торға тіреліп қалған.

Қайғылы оқиға 22 маусымда болды. Ажалы судан келген анасы мен баласы сол күні Талғардағы Маралсай шатқалына отбасымен демалуға барған. Өзен маңында суретке түспек болған жеткіншек аяғы тайып суға құлап түскен. Анасы ұлын құтқармақ болып суға секіріп, қатты ағысқа төтеп бере алмай, өзі де суға ағып кеткен.

Ұлының артынан секірген анасын құтқарушылар оқиға болған күні жағалаудан бір шақырым жерден тапқан.

Өзекті жаңалықтарды өз уақытында оқу үшін Facebook парақшамызға жазылыңыз!