Қаржы министрлігі мен тиісті мекемелер жаңа ереже енгізді.

Басты мақсат – қаржы жүйесін заңсыз әрекеттерден қорғау.

Бұдан былай Түркия аумағында жұмыс істейтін барлық криптобиржалар қолданушылар туралы толық ақпарат жинауға және қаржы аударымдарының көздері мен мақсаттарын нақтылауға міндетті. Талап бұзылған жағдайда лицензиядан айырылады.

Мехмет Шимшек, Түркия қаржы министрі:

- Біз адал қолданушыларға кедергі жасағымыз келмейді. Бірақ заңсыз табыстарды жасыруға жол бермейміз. Бұл қаржы жүйесін қорғау мәселесі.

Сондай-ақ криптоактивтерді шығару кезінде кідіріс енгізілді: жаңа аккаунттар үшін – 72 сағат, ал қалғандары үшін – кемінде 48 сағат. Долларға байланған криптовалюталарға да шектеу қойылды – тәулігіне 3 000, ал айына 50 000 доллардан аспауы тиіс. Кәсіби трейдерлер мен лицензияланған платформаларда жұмыс істейтіндер бұл шектеулерден босатылады.

ЦИТАТА Түркия қаржылық қылмыстарды зерттеу кеңесі:

Егер тараптар аталған шараларды орындамаса, онда "Қылмыстық жолмен келген табыстарды заңдастырудың алдын алу туралы" заңда көзделген жазалар қолданылады. Жауапкершілікке тарту шаралары әкімшілік айыппұлдан бастап қылмыстық жазаға дейін қамтуы мүмкін.

Мамандардың айтуынша, бұл реформалар ел экономикасының тұрақтылығын арттырып, халықаралық қаржы талаптарына сай болуға мүмкіндік береді. Ал Түркиядағы криптовалюта нарығы үшін бұл жаңа кезеңнің бастауы болуы мүмкін.