Заңды қатайту, оқу-ағартуды күшейту, отбасы моделін насихаттау және цифрлық контентті бақылау.

Дәстүрлі емес қатынастарға тосқауыл қою үшін осы төрт таған мызғымай, бір-бірімен байланыста болу керек. Қазақстанда бұқаралық ақпарат құралдары мен әлеуметтік желілерде ЛГБТ насихатын болдырмау үшін заңға өзгерістер енгізу ұсынылды. "Әсіресе өскелең ұрпақты теріс қатынасты дәріптейтін контенттен аулақ ұстауымыз керек", дейді құқық қорғаушы Үсен Сүлеймен. Өркендеуге жәрдемдесу ұлттық қорының жетекшісі осы тақырыпта жүргізілген зерттеу нәтижесін ұсынды. Айтуынша, соңғы бір жылда елде ЛГБТ тақырыбын қозғайтын 1500-ден аса материал жарияланыпты. Ал сауалнамаға қатысушылардың 64 пайызына жуығы мұндай мазмұндағы контентті әлеуметтік желілерден көретінін айтқан.

Үсен Сүлеймен, өркендеуге жәрдемдесу ұлттық қорының жетекшісі:

- Мұндай ақпарат БАҚ және әлеуметтік желіде мүлде таралмауы тиіс. Балалар мен жасөспірімдер теріс ықпалға түспес үшін, тиісті заң енгізіп, теріс насихаттың тамырына балта шабу қажет деген пікірдемін.