АҚШ Үндістанға 50 пайыз баж салығын салды.

Жаңа тариф бүгіннен бастап күшіне енді. Бұған Нью-Делидің ресейлік мұнайды сатып алуын тоқтатпауы түрткі болды. Екі жақ бірнеше рет бас қосқан. Алайда, келіссөздер нәтижесіз аяқталды. Сарапшылар Ақ үйдің бұл шешімі АҚШ бизнес өкілдерінің шығынын арттырады деп отыр. Ал Үндістан енді Қытай, Латын Америкасы және Таяу Шығыс нарығына бет бұрмақ. Сыртқа өнім шығарушыларға қолдауды күшейтпек. Дегенмен, "Нью Йорк Таймс" басылымының жазуына қарағанда, америкалық компаниялардың үштен екісі Үндістанмен офшорлық операциялар жүргізеді.

Аджай Шривастава, Үндістанның сауда зерттеулері бойынша сарапшы:

- Мәселе Үндістанның Ресейден мұнай сатып алуында. Бірақ Қытай бізге қарағанда әлдеқайда ірі импорттаушы екенін бәрі біледі. Еуропа мен Америка да Ресейден көп шикізат алады. Тіпті американдық Standard Oil компаниясы ресейлік мұнай кен орындарын сатып алуды ойластырып жатқанын естідік. Демек, Америка мен оның одақтастары Ресеймен сауда жүргізіп отыр. Трамп әкімшілігі мұны жақсы біледі. Бұл әділетсіздік. Сондықтан мен жоғары тарифтер көп ұзамай жойылады деп үміттенемін.