Петропавлда 200 шақырымға жуық көше суағары тазартылды, деп хабарлайды 24kz.

Коммуналдық қызмет мамандары қыс бойы қар мен мұзға, одан қалды тұрмыстық қалдықтарға толып қалған нөсерлік кәріз желілерін ретке келтірді. Қазір қалада қар шығару жұмыстары да бәсеңдеген жоқ. Бұл мақсатқа жергілікті бюджеттен 1 миллиардқа жуық теңге бөлінген. Қазір негізгі күш су басуы мүмкін деген ықшамаудандарға жұмылдырылды. Жалпы қыс басталғалы қала көшелерінен 800 мың текше метр қар шығарылды.

Әсем Айтолова, қала әкімінің баспасөз хатшысы:

- Суағарлардың 80%-і тазартылып болды. 20%-і қалды. Одан бөлек, қар шығару жұмыстары жүргізілуде. Әсіресе, жеке секторда. Себебі, бізде қардың суы әсіресе жеке секторда қауіпті.