15 наурызда Степногорск қаласында патрульдік полиция Бейбітшілік көшесінде бағдаршамның тыйым салынған белгісіне Exeed 818 автокөлігі өтіп кеткенін байқайды.

Полицейлер көлікті тоқтату туралы шешім қабылдайды, деп жазады inbusiness.kz сайты. Автокөлікті қуып жеткен, полицейлер жүргізуші әйелдің қатты үрейленгенін көреді. Ол артқы орындықта екі жасар баласының есінен танып қалғанын және ауруханаға асығып бара жатқанын түсіндіреді. Тәртіп сақшылары Арман Билялов пен Ислям Ислямов автокөлікті Степногорск қаласы ауруханасының қабылдау бөлмесіне дейін алып жүру туралы шешім қабылдады.

Кәсібилік пен жеделдікті көрсете отырып, олар ауруханаға қауіпсіз және кедергісіз жеткізді. Онда бала дереу медициналық көмек алды. Полиция қызметкерлері баланың өміріне қауіп төндірмейтініне көз жеткізгенше оның туыстарымен бірге болды.

"Мұндай сәттерде сабырлық сақтау өте қиын. Адам денсаулығы, соның ішінде кішкентай бала туралы сөз болғанда уақытында жетуді ойлайсың",– деп бөлісті тәртіп сақшылары.

Бірнеше күннен кейін полиция басқармасына баланың анасы Виктория Вашановадан бейне хабарлама келіп түсті, ол полиция қызметкерлеріне қолдауы мен уақтылы көмегі үшін шын жүректен алғысын білдірді.