Қазақстан Премьер-министрінің орынбасары

– Сыртқы істер министрі Мұрат Нұртілеу Токиоға ресми сапары барысында осы елдің іскер топ өкілдерімен кездесіп, оларды Қазақстанға инвестиция салуға шақырды. Сыртқы істер министрі МарубЕни компаниясының вице-президенті Акира Теракавамен кездесіп, олардың Қазақстандағы қызметін және ел экономикасының инвестициялық тартымдылығын жетілдіру мәселелерін талқылады. Компания басшысы Қазақстан-Жапония экономикалық ынтымақтастық комитетінің тең төрағасы және Қазақстан Президенті жанындағы Шетелдік инвесторлар кеңесіне мүше. Тойота цУщё басқарма төрағасы Нобухико Муракамимен Қазақстанда электр желілерін тұрақтандыру және цифрлық инфрақұрылымды енгізу бойынша жобаларды жүзеге асыру мүмкіндігі қарастырылды. Ал, КомАй ХалтЭк компаниясының атқарушы директоры Эми Комаи Мұрат Нұртілеуге өз компаниясының өкілдері жақын арада Түркістан облысына барып, жел генераторларына негізделген автономды электрмен жабдықтау жүйесін әзірлеу және құру жұмыстарын жүргізетінін хабарлады. НищИн компаниясының президенті Масахиро Цуцуи Жапониядан Еуропаға жүк тасымалдау үшін Транскаспий халықаралық көлік дәлізін пайдалануға қызығушылық білдірді.

Масахиро Цуцуи, «Nissin» компаниясының президенті:

- Қазақстан мен Жапония арасындағы логистиканың түрлі бағытта дамитынына сенімдімін, ал Сыртқы істер министрімен болған кездесу осы үдеріс үшін аса пайдалы болады деп ойлаймын. Осы мүмкіндікті пайдаланып, екі ел арасындағы логистикалық ынтымақтастықты одан әрі дамыту ниетіміз бар.