Ақыл-ой сайысына оқушылар , студенттер мен зейнеткерлер де қатысты.

Олар табиғатты қорғауға қатысты сұрақтарға жауап беріп, өзара сынға түсті. «Мақсат – халықтың экологиялық мәдениетін қалыптастыру», дейді ұйымдастырушылар.

«Экоұрпақ» зияткерлік ойынына 3 команда қатысты. Олар оқушылар, студенттер мен зейнеткерлер. Үш буынның өкілдері табиғатты қорғау, экология тақырыптарына байланысты қойылған сұрақтарға жауып беріп, білімдерін сынға салды.

Зейнеп Тәнібаева, Қызылжар аудандық ардагерлер кеңесінің төрағасы:

-Ұрпақ сабақтастығы деген өте жақсы үрдіс. Өйткені табиғатты қорғау мәселесі бұл ардагерлердің де, жас ұрпақтың да өзекті мәселесі. Жалпы қоғамның да өзекті мәселесі. Сондықтан біз мінекей жасымыздың ұлғайғанына қарамастан осы ойынға келіп отырмыз.

Ал бұл «Эко IQ: «Таза Қазақстан» зияткерлік ойыны. Шараға 50 студент қатысты. Олар өзара командаларға бөлініп, табиғатты қорғау, тұрмыстық қалдықтарды кәдеге жарату жөніндегі жобаларын қорғады.

Дидар Аймұқан, қазылар алқасының мүшесі:

-Табиғатты аялау дегеніміз-ол тек қана акциялар өткізіп, осындай шараларға қатысу ғана емес, сонымен қатар осындай интелектуалды ойындар болып табылады. Интелектуалды ойын ол біздің жастарға табиғатты қорғауға, табиғатқа деген сүйіспеншілігін арттыруға өте ықпал ететін боламыз.

Өңірде «Таза Қазақстан» акциясы аясында 3 мыңға жуық экологиялық іс-шара ұйымдастырылды. Игі дәстүрлі айналған сенбіліктерге 150 мыңнан аса адам қатысты.

Айдарбек Айтмұхамбетұлы, Қуаныш Қазбеков