Прокуратура оны "қылмыстық топтың көшбасшысы" деп айыптап отыр .

Құқық қорғау органдары мэр Экрем Имамоғлудың Сарыер ауданындағы үйінде тінту жұмыстарын жүргізіп, содан кейін өзін тұтқындаған, деп жазады inbusiness.kz сайты 1news.az порталына сілтеме жасап.

Шаһар басшысымен қатар тағы 100-ге жуық адам қамауға алынған. Олардың қатарында мэрдің баспасөз хатшысы да бар.

Ыстамбұл мэриясына қатысты жемқорлыққа қарсы ауқымды операция басталғаны хабарланды. Прокуратура бұл істің қалалық тендерлерді өткізуіне және шенеуніктердің елде тыйым салынған "Күрдістан жұмысшы партиясымен" ықтимал байланыстарын анықтауға қатысты екенін мәлімдеді.

Сонымен қатар кеше Ыстамбұл университеті Имамоғлудан дипломын кері қайтарып алу туралы шешім қабылдады. Бұл оның алдағы президенттік сайлауға түсуіне кедергі келтіруі мүмкін.