Оған ұлтаралық араздықты қоздырды деген айып тағылған болатын .

Қазақстандық youtube жобада Кенесары ханның өлімі үшін кешірім сұрағаны үшін қамауға алынған қырғыз әншісі Қайрат Примбердиев сот шешімі бойынша 100 мың сом (шамамен 600 мың теңгеге жуық) төледі. Бұл туралы ол Facebook желісінде хабарлады.

Бішкек қаласының Первомай аудандық сотының шешімі бойынша Қайрат Примбердиев ҚР қылмыстық кодексінің 330-бабы, 1-бөлімі бойынша кәнілі деп танылған. Қырғызстанда нәсілдік, ұлттық, ұлттық, діни немесе аймақаралық араздықты қоздыруға бағытталған әрекеттер үшін 10 жылға дейін бас бостандығынан айыру жазасы қарастырылған. Дегенмен, сот айыппұл салумен шектелген.

Еске салайық, Қырғызстанның Ұлттық қауіпсіздік комитеті әнші Қайрат Примбердиевті ұлтаралық араздықты қоздыруға бағытталған мәлімдеме жасағаны үшін қамауға алып, оның елден шығуына тыйым салды.

Ол қазақстандық "Айран медиа" жобасына қатысып, бағдарлама кезінде қазақ ханы Кенесарының басын кескен Ормон хан үшін өз атынан кешірім сұраған болатын.

Кейін Қайрат Примбердиев бұл сұхбат туралы пікірін айтып, кешірімді бүкіл қырғыз халқының емес, жеке өз атынан сұрағанын мәлімдеді. Оның айтуынша, бір сағат уақытқа жуық созылған сұхбатты толық тыңдайтын болса, оның не айтқысы келгені анық болады.

Оқи отырыңыз: Кенесары ханның өлімі үшін кешірім сұраған қырғыз әншісін ҰҚК қамауға алды