Алдағы 2 жылда барлық облыс және аудан орталығында, кент пен ауылдарда балаларға арналған футбол алаңы салынады. Бұл туралы Ұлттық құрылтайда Қасым-Жомарт Тоқаев айтты.

Балалар мен жасөспірімдерді футболға қызықтыру арқылы лудомания, нашақорлық сияқты жат әдеттен қорғауға болады. «Мемлекет басшысы клубтар облыстық бюджетке иек артпай, шет елдегідей өздері де табыс табуды үйренуі керек», – деп мәлімдеді. Мұндай бастаманы тұрғындар да қолдап отыр.

Сауалнама:

- Спорт нысандары әрбір ауылдарда керек деп ойлаймын. Ғалымдар да айтып жатыр. Қазіргі таңда балалар әлжуаз болып өсіп жатыр деп. Сондықтан да осы балаларды шынықтыру мақсатында ой өрісін дамыту мақсатында спорт нысандары керек шығар деп өзім қолдаймын осы жобаны.

- Балалардың жаңағы жаман әрекеттерден аулақ жүргеніне, сол балалардың жастарды спортқа тәрбиелеп болашағымыздың жарқын болғанына, әрине, тілектеспін.

- Спорт мектептерін ашып қана қоймай, оны үлкен мынау мемлекеттік мәселе ретінде көтеріп кәдімгідей айрықша көңіл бөліп ұйымдастыру керек оны. Үлкен жарыстар өткізіп балаларды қызықтыру керек. Әйтпесе ашып қойып, спорт нысаны босқа тұрмау керек.