0:00:00

Жаңалықтарды Telegram арнамыздан оқыңыз !

Президент әлемдік мінберлерде экология мәселесін бірнеше рет көтерді. Көшбасшыларды климаттың өзгеруімен күресте күш-жігер біріктіруге шақырды. Президенттік қызметіне кіріскен сәттен бастап Қасым-Жомарт Тоқаев бұл өзекті мәселеге стратегиялық әрі батыл көзқарасын айқындады. 2019 жылы Президенттің бастамасымен елде браконьерлік үшін жаза қатаңдатылып, 2021 жылы жаңа Экологиялық кодекс пен «Жануарларды қорғау туралы» заң қабылданды. Бірегей жануарлар түрлерін қорғау мәселесі Мемлекет басшысының жеке бақылауында. Қазақстан тарихында алғаш рет Су ресурстары және ирригация министрлігі құрылды. Сондай-ақ Президент 2026 жылға дейін Қазақстанда екі миллиардтан аса ағаш егу идеясын ұсынды. «Таза Қазақстан» акциясы жүріп жатыр. Жасыл экономикаға көшу – Тоқаев саясатының басым бағыттарының бірі. Бұл саладағы ең ірі жоба – Алматы облысында салынатын атом электр стансасы. Мұндай жауапты экологиялық стратегия халықаралық аренада сенім тудырады.

Қуан Нұрақын