Аса ірі мөлшерде алаяқтық жасады деген күдікті Ресейден экстрадицияланды, — деп хабарлайды Massaget.kz тілшісі.

Күдікті 2017 жылы жалған фирма құрып, контрагентке битум жеткізу бойынша жалған коммерциялық ұсыныс жіберген. Бизнес иесінен 50 млн теңге алған ол қылмыстық жауапкершіліктен жалтару мақсатында жасырынған, сондықтан халықаралық іздеу жарияланған.

"Былтыр қазанда күдікті Ресей Федерациясының Орлов облысында ұсталып, кейін Қазақстанның Бас прокуратурасының сұранысы бойынша Отанына экстрадицияланды", — деп жазылған хабарламада.

Тағылған айып бойынша оған мүлкін тәркілей отырып, бес жылдан он жылға дейін бас бостандығынан айыру жазасы қарастырылған.

Instagram парақшамызға жазылып, ең қызықты ақпараттарды бірінші болып оқыңыз!