Электрондық үкімет порталы Тәжікстанға экспортталды .

Цифрлық даму, инновациялар және аэроғарыш өнеркәсібі вице-министрі Ростислав Коняшкин gov.tj порталы жұмыс істеп тұрғанын айтты, деп хабарлайды inbusiness.kz сайты.

Былтыр Қазақстан тәжік тарапына eGov платформасының IT өнімдерін бергені туралы ақпарат шықты.

Тілшілер eGov-тың қай нұсқасы Тәжікстанға экспортталатынын сұрады.

"Тәжікстан республикасына берілген бірнеше өнімдер ішінде gov.tj порталы жұмыс істеп тұр. Бұл – біздің gov.kz порталының аналогы. Бұл – барлық мемлекеттік органдар сайттарының сайты. Бүгінде ол браузер арқылы қолжетімді. Сол себепті gov.kz порталына тоқталып отырмын. egov-тың, Smart Data Ukimet, Smart Bridge компоненттері үлкен деректерге талдау жасауға, интеграция жүргізуге арналған", — деп жауап берді Ростислав Коняшкин.

Айта кету керек, осыған дейін https://inbusiness.kz/kz/last/egov-kz-sajty-nege-isten-shykkany-belgili-boldy eGov.kz сайты неге істен шыққаны белгілі болғанын жазғанбыз. eGov жаңа технологиялық шешімдер негізінде жаңғыртылмақ.