Халықаралық мереке қарсаңында бұқаралық ақпарат құралдарында еңбек ететін әйелдер қауымы да елеусіз қалмады.

«Қазмедиа орталығы» айтулы күнге орай шағын фестиваль ұйымдастырып, қыз-келіншектерді қуанышқа бөледі. Шара барысында гүл сату нарығында танымал компания өкілдері қатысушыларға флористика өнерінің қыр-сырын үйретсе, косметика өнімін ұсынушылар тері күтіміне арналған түрлі бұйымдарды көрсетіп, қолдану ерекшеліктерін түсіндірді. Бұдан өзге кофеханалар желісінің қызметі балалар мен жасөспірімдер өнер мектебінің бағдарламасы қойылды. Ал Қорғаныс министрлігіне қарасты «Құрметті» қарауыл ротасының құттықтауы мерекенің көркін аша түсті. Құрметке бөленген медиа саласының қызметкеріне сыйлықтар да үлестірілді.

Қайрат Иманберді, «Қазмедиа орталығы» БК бас директорының орынбасары:

- Бізде жылда жоғары атмосферада өтеді. Барлығын жасап жатқанымыз осы әйел қауымының гүлденіп, күліп-ойнап жүре бергені үшін. Әйелдер қауымын құттықтаймыз, әйелдер қауымына зор денсаулық біріншіден. Екіншіден, бәрі ақпарат жүйесінде үлкен жұмыс істеп жатыр. Еңбектері табыс болсын дейміз.