Елімізде көп пәтерлі тұрғын үйлерді басқару саласындағы заңнама жетілдіріледі .

Тұрғын үй заңнамасының нормаларын бұзғаны үшін жауапкершілік енгізу көзделіп отыр. Айыппұл үйді басқаратын дара немесе заңды тұлғаның басшысына жеке салынады. Бұл жауапкершілік деңгейін арттырады. Бүгін Сенат тұрғын үй-коммуналдық шаруашылық саласындағы заңды екі оқылымда қарап, мақұлдады. Құжат пәтер иелері кооперативтерінің қызметін реттейді. Қолданыстағы кооперативтер бір жылдың ішінде өз қызметін, жаңа өзгерістерге сәйкестендіріп, қайта тіркеуден өтеді. Сондай-ақ сенаторлар тұрғын үй инспекциясы өкілеттіктерінің кеңейтілуіне орай жергілікті атқарушы органдарға олардың штат санын объективті түрде ұлғайту мәселесін қарастыруды ұсынды.

Серік Шайдаров, ҚР Парламенті Сенатының депутаты:

- Өздеріңізге белгілі, 2029 жылдың соңында ПИК-терді басқару нысаны ретінде жою туралы шешім қабылданып, өтпелі кезең белгіленген болатын. Алайда бұл реформа күтілген нәтижелерді берген жоқ. Қазіргі таңда ПИК-тер заң жүзінде мәртебесі бекітілмеген күйде жұмысын жалғастыруда. Заңда тұрғын үй қорын басқару және қызмет көрсету бойынша бірыңғай стандарттарды енгізу қарастырылған.

Қуандық Қажкенов, ҚР Өнеркәсіп және құрылыс вице-министрі:

- Бұған дейін көп үйге бір ғана банк шоты ашылып, мәселен үйдің төбе жабынына, күрделі, орташа жөндеуіне жұмсалған шығындарының ашықтығын анықтау қиын болатын. Енді осы заңнама арқылы пәтер иелері кооперативі немесе басқарушы компания әрбір тұрғын үйге жеке ағымдағы жинақ шотын ашады. Сол арқылы біз жинақтардың бар екендігін, ол қайда бағытталғанын көріп отырамыз.