Оралдық өнертапқыштар шекара күзетіне қажетті дрон жасап жатыр, деп хабарлайды 24KZ. Жергілікті университеттегі конструкторлар ұшқышсыз ұшу аппаратының моделін 3Д принтерде басып, бағдарламасын жасақтаған. Енді қосалқы бөлшектерін күтіп отыр.

Жаңа дрон қажетті биіктікке көтерілгеннен кейін қалықтап ұшады. Соның арқасында батарея қуаты көпке жетеді. Ең басты артықшылығы жасанды интеллект арқылы автоматты жүйеде жұмыс істейді. Яғни шекарадан рұқсат етілмеген жерден өтіп бара жатқан заң бұзушыны таниды. Көліктердің маркасы мен нөмірі туралы орталыққа уақытылы хабар береді. Ұшу аппаратын алдағы айда толық жасап, қыркүйекке дейін сынақтан өткізу жоспарланған.

Дәурен Ғабдрахимов, конструкторлық бюро қызметкері:

- Бағдарламасын мен жасап жатырмын. Бағдарламасы Paint тілінде жазылған. Дронның миы ол деген Raspberry Pi-мен жасалған. Raspberry Pi-ға біз SE Plus тілінде жазып жатырмыз. Ерекшелігі автоматтандырылған дрон болып есептеледі. Себебі көп дрон пультпен басқарылады. Ал біздің дронға тек қана координаттарды береміз. Дрон өзі көтеріліп, өзі ұшады, өзі тексеріп, өзі қонады.