Қарағанды облысының туристік қаласы Балқашта биыл 25 шақырым орталық жылу құбыры ауыстырылады.

Магистралді жаңадан тарту жұмысы 2 жыл бұрын басталған. Бүгінгі күнге дейін 52 шақырым құбыр тартылды. Жылу торабы өткен ғасырдың 60-жылдарынан бері жөнделмеген. Мамандардың айтуынша, 85 пайызға тозығы жеткен. Соның салдарынан қыста жиі ақау шығып, үйлер жылымайды. Биыл күзге дейін орталық магистраль түгел ауыстырылады. Ал келесі жылы үйлерге жалғанатын 40 шақырым құбыр жаңаланады.

Берік Бекмағамбетов, Балқаш қаласы ТКШ, жолаушылар көлігі және АЖ бөлімінің басшысы:

- Қала салынғаннан бері құбырлар ауыстырылмаған. Қала бойынша құбырлар нашар болған. Сеттердің нашарлығы 85 пайыздан 65 пайызға төмендеді. Енді келесі жылы да жұмыстар болады. Оны «Балқаш жылу» ұйымы өз күшімен аяқтауға тырысады.