Шығыс туризмінің төріне айналған Рахман қайнарына апаратын жол жөнделіп жатыр.

20 тамыз бен 30 қазан аралығында аталмыш жол учаскесі толық жабық болады, деп хабарлайды inbusiness.kz сайты.

– Қазір тау жолын қазу, тегістеу, кеңейту сияқты күрделі жөндеу жұмыстар жүріп жатыр. Сондықтан Өскемен-Алтай-Үлкен Нарын-Катонқарағай-Рахман қайнары жолының 437-ші шақырымнан 450-ші шақырымға дейінгі бөлігі жабылды. Бұрын-соңды асфальт түспеген 13 шақырым тау жолына қазір қиыршық тас төселіп жатыр, – деп хабарлады ШҚО әкімдігі.

Жөндеу жұмыстарына "ҚазАвтоЖол" ҰК " АҚ-ның Шығыс Қазақстандағы филиалы жауапты.

Қазір су өткізгіш құбырлар мен дренаж жүйесін орнату, сондай-ақ жолды түзеу жұмыстары жүргізіліп жатыр.

Осыдан кейін мамандар 437-444 км аралығандағы жол бөлігін жөндеуге кіріседі. Қауіпсіздік үшін жол жабылады.