«Қайрат» Чемпиондар лигасы аясындағы матчтардан бас аяғы 23 млн еуроға жуық пайда тапқан.

Оның ішінде 18,6 млн еуроны жауапты кезеңге шыққаны үшін алса, қалған 4,29 млн еуроны іріктеу кезеңдерінен тапты. Бұл клуб тарихындағы ең ірі табыс. Ұлттық валютаға шаққанда шамамен 14 млрд теңгеге жуықтайды. Бұдан бөлек клубқа телевизиялық түсірілімдерден 666 млн теңге және ең төменгі бонус ретінде 146 млн теңге төленеді. Сарапшылардың айтуынша, бұл қаражат клубтың инфрақұрылымын дамытуға және ойыншылар құрамын күшейтуге мүмкіндік береді.

Жалпы табыс — €22,91 млн

Топтық кезеңге шыққаны үшін — €18,6 млн

Іріктеу кезеңдерінен – €4,29 млн

Телевизиялық түсірілімдерден — ₸666 млн

Бонус — ₸146 млн

Руслан Бақытжан, сарапшы:

- Сонымен қатар жауапты кезеңде Чемпиондар лигасында 8 матч бар. Әр ойында жеңіске жеткені үшін 2,1 млн еуро алады. Тең есепке 750 мың еуро алады. Соңғы рет “Астана” командасы 2015-2016 жылғы маусымда топтық кезеңде ойнағанын білесіздер. Сол кезде де “Астана” командасы УЕФА-дан біраз қомақты ақша алған еді. Атап айтқанда 17 млн 292 мың еуроны топтық кезеңге шыққаны үшін алды және тең есептер үшін қосымша бонустар алған еді.