Атом электр станциясын салу – ұзақмерзімді жоба әрі заман талабы . Президент Қасым-Жомарт Тоқаев былтырғы жолдауында елдің энергетикалық дербестігін нығайтуға арналған бастамаға тоқталған еді.

Мемлекет басшысы: «АЭС экономиканың, ғылым мен білімнің түрлі саласын өркендетуге тың серпін береді», - деді. Оның пайдасын қазіргі жастар мен болашақ ұрпақ көретінін жеткізді. Нәтижесінде былтыр 6 қазанда АЭС салу мәселесі бойынша республикалық референдум өтті. Жалпыұлттық дауыс беруге 8 миллионға тарта адам қатысты. Оның 71 пайыздан астамы, яғни 5 жарым миллион азамат елде атом электр станциясын салуды қолдады.