Оңтүстік Кореяда бір палаталы парламентке шамамен 80 жыл болды. Ол әлемдегі ең ықпалды 10 парламенттің қатарына кіреді. Бір кездері Ұлттық жиналыс қос палаталы болған еді.

Владислав Цой, тілші:

- Оңтүстік Кореяның парламенті Ұлттық жиналыс деп аталады. Тарихы 1945 жылдан, ел тәуелсіздік алғаннан үш жыл өткен соң басталады. 1960 жылдың сәуірінде Оңтүстік Кореяда студенттер президент Ли Сын Манның диктатурасына қарсы шықты. Осыдан соң ел басшысы отставкаға кетіп, Конституцияға өзгерістер енгізіледі де, парламент қос палаталы болады. Бірақ бір жылдан соң генерал Пак Чон Хи әскери төңкеріс жасайды. Сөйтіп, 1963 жылы парламент қайтадан бір палаталы болып құрылады. Ал қазіргі ықпалды әрі президенттен тәуелсіз деп саналатын Ұлттық жиналыс, яғни парламент 1987 жылы жаппай наразылықтардан кейін жасақталған.

Бүгінде бір палаталы парламентте 300 депутат бар. Билік партиясына 173 орын, оппозициялық «Халық күші» партиясына 108 орын тиесілі. Жиналыс заңдарды қарайды, бюджетті бекітеді, премьер-министрдің кандидатурасын мақұлдайды және министрлерге сенімсіздік білдіре алады. Үш рет оңтүстіккореялық депутаттар мемлекет басшыларына импичмент жариялады: 2004 жылы Но Му Хёнға, 2016 жылы Пак Кын Хеге және 2024 жылдың желтоқсанында президент Юн Сок Ёлге әскери жағдай енгізгені үшін. Бұл шешімді естіген депутаттар мен олардың жақтастары парламент ғимаратының алдына жиналып, ішке кірмек болды. Алайда әскери қызметкерлер жолдарын бөгеді. Шабуылдан кейін депутаттар өз орындарына жайғасып, әскери жағдайды жою үшін дауыс берді.

Биыл маусым айында өткен кезектен тыс президенттік сайлауда мемлекет басшысы болып Ұлттық жиналыс мүшесі әрі оппозициялық партия жетекшісі Ли Джэ Мён сайланды. 300 депутаттың 254-і бір мандатты округтерден, 46-сы партиялық тізім бойынша 4 жылға сайланады. Спикер 2 жылға Ұлттық жиналыста көпшілік орынға ие партиядан сайланады. 2024 жылдың маусымынан бері парламентте У Вон Сик төрағалық етеді.

Ұлттық жиналыстың ықпалы мен мәртебесі оның орналасқан жерінен де айқын аңғарылады. Парламент ғимараты Сеулдегі Ёыйдо аралында салынған, бұл президент пен үкіметке тәуелді емеспіз дегенді білдірсе керек.

Авторлары: Владислав Цой, Ольга Лян