Әзірге қала әкімдігі қос дөңгелекті техниканы қоятын 10 орынды белгіледі. Енді кикшеринг компаниялары электрсамокаттарды соған сай бейімдеуі керек. Техниканы көрінген жерге бейберекет тастап кететіндермен осылай күресуді жоспарлап отыр.

Тротуарларға, көше қиылыстарына қалай болса, солай тастап кеткен самокаттар алматылықтарды мезі қылғаны жасырын емес. Әкімдік осы мәселені арнайы тұрақтардың есебінен шешпекші. Әзірге қалада 10 тұрақ жұмыс істейді. Олар адам көп жүретін көшелерде, үлкен-үлкен кеңселердің жанында жасалды.

Бауыржан Құмарғазин, қалалық Мобильділік басқармасы басшысының орынбасары:

- Бұл жұмыс қазіргі таңда тек қана тестік режимде болады. Оны кикшеринг операторлар өздерінің системасының настройкасын жасап содан кейін бұл жұмыс жалғасатын болады. 003521 Самокатты осындай арнайы тұраққа қойған кезде суретке түсіріп, тұрақтың разметкасын оқып содан кейін поездка бір-ақ бітетін болады.

Алматыда самокаттарға қатысты жыл басынан бері 302 келеңсіз жағдай тіркелген. Одан 312 адам зардап шеккен. Бұл қалалық полицияның дерегі. «Мұның бәрі екі дөңгелекті транспортты қолданушылардың қарапайым ережелерді білмеуінде», — дейді мәслихат депутаты Бейбіт Құсайынов. Сондықтан депутаттар электрсамокаттарды қолдануға қатысты регламенттелген ережелер шықпайынша оларды көшеде жүргізбеуді ұсынды.

Бейбіт Құсайынов, Алматы қалалық мәслихат депутаты:

- Алматы қаласы бойынша 20 мыңнан астам самокат бар екен. Солардың санын екі есе азайту керек деп ойлаймыз. 001316 Кикшеринг компаниялардың өздерінің жауапкершілігі болу керек. Мысалы олардың самокатымен бір жол апаты болса, оларға штраф салу керек, сонда ғана олар жауапкершілікті өз мойнына алады. Солай істеуіміз керек. Әйтпесе самокаттарға номер іліп, оларды камерадан көре алмайсың ғой.

Ереженің ең бастысы электрсамокатпен тротуарда жүруге мүлдем тиым салу. Сондай-ақ, жылдамдықты төмендету ұсынылды. Мәслихат депутаттарының ұсынысы әзірге сөз жүзінде. Себебі, елімізде кикшеринг нарығын реттейтін заңнама жоқ. Кептелістен қашқан алматылықтар әлі де электрсамокаттарды қолдануда. Қала әкімдігі, депутаттар мен кикшерингтік компаниялардың өкілдері кірген жұмыс тобы жыл соңына дейін ортақ мәселенің шешімін таппақ.

Авторлары: Гүлжан Көленқызы, Мұхит Құдықбаев, Сержан Жұмабаев