Американдық Голдман Сакс банкі АҚШ экономикасына қатысты болжамын нашарлатты .

Бұған дейін елдің жалпы ішкі өнімі биыл 2,4 пайызға өседі деп топшыланған еді. Бірақ енді тек 1,7 процентке артады деп болжанып отыр. Өйткені Дональд Трамп әкімшілігінің сауда соғысы инвестицияға, тұтынушылар арасындағы сұраныс пен логистикаға кері әсер еткен. Ақпанда ресми Вашингтон Қытайдан келетін тауарларға 10 пайыздық баж салығын салып, бірер күн бұрын оны екі есе көтеріп жіберген еді. Салдарынан Бейжің америкалық ауыл шаруашылығы өнімдеріге қарымта тариф енгізді. АҚШ сондай-ақ Канада мен Мексикадан импортталатын тауарларға да баж салығын салған. Бірақ келіссөздерден кейін бұл шешімді 2 сәуірге дейін кейінге қалдырды.