Жамбыл облысында қылмыс 8 пайызға азайды.

Оның ішінде тонау, ұрлық, алаяқтық деректері азайған. Бұл туралы колледж студенттерімен кездескен прокурорлар мәлімдеді. Қадағалаушы орган қызметкерлері «Заң және тәртіп» тақырыбында өткен жиында буллингке қатысты мәліметтерімен бөлісті. Егер бұл қылмысқа 16 жасқа дейінгі балалардың қатысы болса, онда олардың ата-анасы жауап береді. Қазір оқушылар арасындағы әлімжетікке байланысты «Komek Stop Bulling» телеграмм каналы арқылы хабарлауға болады. Оның QR коды облыстың барлық білім беру ұйымына ілінген. Бұл мәселе прокурорлардың қатаң бақылауында.

Абзал Есіркепов, жастар ресурстық орталығының директоры:

- Сонымен қатар Тараз қаламыздағы 1,2,3 пробация бөлімшелерімен бірлесе отырып іс-шара жоспары бекітілген. Жоспарға сәйкес барлықтары жылдың соңына дейін іс-шараларды өткізу біздің барлық жоспарымызда бар. Сол осы жобаның аясында барлықтары бүгінгі таңда пробация есебінде тұрған жастарды қоғамға бейімдеу.