Шығыс Қазақстан облысында аудандық, ауылдық деңгейдегі әкімдік өкілдері жол сапасына бақылау жүргізу әдістерін үйреніп жатыр.

Себебі салада олқылық көп. Сарапшылардың айтуынша, жауаптылар жөнделген жолды қабылдаған кезде, нақты талаптарды білмейді. Кейбіреуі цифрлық бағдарламаны еркін меңгермеген. Сондықтан әдістемелік семинарларды жиі өткізу қажет, дейді мамандар. Жол активтері сапасының Ұлттық орталық өкілерді, ауыл-аймақтағы шенеуніктерге дәріс беріп, салынған жолды тексеру кезінде сандық жүйені тиімді пайдалану тәсілдерін көрсетті.

Азамат Мұратбеков, «Жол активтері сапасының ұлттық орталығы» ШҚО филиалының зертхана меңгерушісі:

- Программа болғандықтан жыл сайын, яғни жаңартулар жүргізіледі, ең басты мақсатымыз осы жаңартуларды оларға жеткізу, қандай жаңашылдықтар пайда болды, соларды оларға көрсетіп, оқып үйрету.