Іріктеу биылғы маусым айынан қазанға дейінгі аралықта жүргізілген .

Бұл мамандар резервке алынған сәттен бастап үш жыл ішінде саяси мемлекеттік лауазымдарға, "А" корпусының әкімшілік мемлекеттік лауазымдарына, сондай-ақ "Б" корпусының басшылық лауазымдарына тағайындалуы мүмкін, деп хабарлайды inbusiness.kz сайты.

Төртінші іріктеудің басты жаңашылдығы – мемлекеттік аппарат үшін аса сұранысқа ие салалық бағыттар бойынша резерв қалыптастыру болды. Кандидаттар белгіленген квоталарға сәйкес қабылданған:

• "инфрақұрылымды, өнеркәсіпті дамыту және сауда саясаты" бағыты бойынша – 8 адам;
• "агроөнеркәсіптік кешен және қоршаған ортаны қорғау" бағыты бойынша – 9 адам;
• "сыртқы саясат және инвестициялар" бағыты бойынша – 8 адам;
• "экономикалық және қаржылық саясат" бағыты бойынша – 7 адам;
• "цифрландыру" бағыты бойынша – 9 адам;
• "әлеуметтік саясат және азаматтық қоғам" бағыты бойынша – 9 адам.

Жаңадан қабылданған резервшілердің толық тізімі жобаның ресми сайтында жарияланды.