Ресейлік вудуркинд теннисші Мирра Андреева қарсылас шақ келтірер емес.

Индиан-Уэллсте өтіп жатқан WTA 1000 турнирінде төртінші айналымда Қазақстандық теннисші Елена Рыбакина (әлемдік рейтингте №7) 17 жастағы ресейлік Мирра Андреевамен (№11) кездесті. Ойын 6:1, 6:2 есебімен Андрееваның айқын жеңісімен аяқталды.

Матч 1 сағат 7 минутқа созылып, жаңбыр салдарынан 45 минутқа тоқтатылды. Андреева 2 эйс жасап, 1 қос қателікке жол берді және 12 брейк-пойнттың 6-ын пайдаланды. Рыбакина бірде-бір эйс жасай алмады, 3 қос қателік жіберді және 1 брейк-пойнтты іске асырды. Осылайша жеке кездесулердегі есеп ресейлік теннисшінің пайдасына 2:1.

Бұл Андреева үшін қатарынан тоғызыншы жеңіс болды. Индиан-Уэллстің ширек финалында ол украиналық Элина Свитолинамен (№23) кездеседі.

Естеріңізге сала кетейік, 21 ақпанда Дубайда (БАӘ) өткен WTA 1000 турнирінің жартылай финалында Андреева Рыбакинаны үш сетте – 6:4, 4:6, 6:3 есебімен ұтқан болатын. Шешуші сетте қазақстандық теннисші 3:1 есебімен алға шыққанымен, басымдылықты уысынан шығарып алды. Бұл жеңіс ресейлік жас теннисші үшін маңызды болды. Өйткені ол финалда жеңіске жетіп, WTA 1000 сериялы турнирлеріндегі өзінің алғашқы титулын жеңіп алды.