Жасанды интеллект өлім аузында жатқан донордың сағаты дәл қашан соғатынын анықтайды. Жаңа алгоритмді Стэнфорд университетінің ғалымдары ойлап тапты.

Мамандардың айтуына қарағанда жасанды тыныс алу аппараты өшірілген соң донордың миы 45 минутта қызметін тоқтатып, өлім дерегі тіркелуге тиіс. Өйтпеген жағдайда көз жұмған адамның ағзасы мұқтаж науқасқа транспланттауға жарамай қалуы мүмкін. Жаңа технологияның арқасында мұндай деректер 60% азаяды. Қазір дәрігерлер донордың қайтыс болатын уақытын тәжірибеге сүйеніп қана болжайды. «Ал бұл көп жағдайда дәл келе бермейді», – дейді мамандар.

Казунари Сасаки, Стэнфорд университетінің трансплантация бөлімінің профессоры:

- Жаңа технология сәтті операциялар санын көбейтуге сеп болады. Әрі трансплантациялық орталықтар үшін қаржылық және психологиялық ауыртпалықты азайтады. Озық технологияны әзірлеуде нейрожеліге АҚШ-тың бірнеше орталығынан жиналған 2 мыңнан аса донордың дерегі оқытылды. Мұның нәтижесінде озық технология неврологиялық, тыныс алу, жүрек-қантамыр көрсеткіштерін зерттеп, донордың қайтыс болатын уақытын дәл болжайды.