Марат Оспанов атындағы Батыс Қазақстан медициналық университеті қызметіне тұрақты даму идеяларын белсенді енгізіп жатыр, деп жазады Egemen.kz.

Батыс Қазақстан медициналық университеті (БҚМУ) тұрақты даму мақсаттары қағидаттарын білім беру үдерісіне және ғылыми зерттеулерге интеграциялау стратегиясын ұстанады. Осы қағидатты жүзеге асыру барысында аурулардың алдын алу және халықтың өмір сүру сапасын жақсарту саласындағы медициналық зерттеулерді дамытып, болашақта еліміздің түрлі өңірлерінде жұмыс істейтін білікті медициналық кадрларды даярлауды мақсат еткен.

28 ақпан күні Аққағаз Досжанова атындағы конференц-холлда тұрақты даму мақсаттары шеңберінде пікірталас шарасы өтті.

Панельдік пікірталасқа мемлекеттік билік, бизнес, медицина, ғылым, еріктілер ұйымдары мен студенттер бірлестіктерінің өкілдері жиналды.

Шараның салтанатты ашылуында А.Гизатуллина атындағы Студенттер хоры әсерлі қойылым ұсынды. Бұдан әрі қатысушылар медициналық көмек пен халықты әлеуметтік қолдауда маңызды рөл атқаратын «Медицина-Волонтер» еріктілер ұйымының қызметімен танысты.

Шараның ашылуында Ақтөбе облысы әкімінің орынбасары Ғалымжан Алмасбекұлы Елеуов құттықтау сөз сөйлеп, волонтёрлік қызметтің маңыздылығын атап өтіп, «медициналық еріктіні» қоғамдық қызметке қосқан үлесі үшін алғыс хатпен марапаттады.

Пікірсайыс алаңында мына қатысушылар тұщымды баяндама жасады:

БҚМУ ректорының м.а. Талғар Сатыбайұлы Әбілов университеттің орнықты даму мақсаттарына қол жеткізудегі рөлін атап өтті.

Universal Energy (Qazaqstan) бас директоры У Сяолян қазіргі заманғы энергия көздері мен олардың қолжетімділігі туралы айтып берді.

Ақтөбедегі ЦентрКредит Банкінің директоры Гүлнара Сұлтанқызы Черниязова кәсіпкерлікті кедейлікпен күрес құралы ретінде қаржыландыру тетіктерін атап өтті.

Облыс әкімінің гендерлік теңдік мәселелері жөніндегі кеңесшісі Күлпаршин Алпысбайқызы Айдарханова гендерлік теңсіздікті жою мәселелерін көтерді.

Медицина ғылымдарының кандидаты Ерболат Маратұлы Ізтілеуов әйелдердің денсаулығын жақсарту үшін жатыр мойны обыры скринингінің тиімділігін атап өтті.

Әлеуметтік кәсіпкерлер комиссиясының басшысы Әлия Мұстақымқызы Өмірзақова әлеуметтік инклюзивтілік мәселелерін талқылады.

Ақтөбе облысының дене шынықтыру және спорт басқармасының басшысы Мейрамбек Жанболатұлы Махамбетов спорт инфрақұрылымын дамыту перспективаларын ұсынды.

Атырау университетінің биология және балық шаруашылығы кафедрасының меңгерушісі Гүлшат Ғабитқызы Жұматова Орал-Каспий бассейніндегі балық популяциясының даму проблемаларын қозғады.

EOR Petroleum Technology Aktobe бас директоры Ван Чжаншуан үшінші деңгейлі мұнай өндіру технологиясының мүмкіндіктері туралы айтты.

Жалпы дәрігерлік практика кафедрасының профессоры Лаззат Манбетжанқызы Жамалиева суицидке дейінгі көзқарастарды және олардың психикалық денсаулыққа әсерін зерттеуді ұсынды.

Қатысушылар тұрақты даму, цифрлық технологиялар және білім беру мәселелеріне де ерекше назар аударды:

Sun Sustainable Development Fund басшысы Серік Каирович Сундетов жасанды интеллект пен серіктестік стратегияларды қоса алғанда, тұрақты жобаларды қалыптастыру құралдарын ұсынды.

Жұбанов атындағы университеттің ғылым және инновациялар департаментінің директоры Захира Туребаевна Нұғаева ТДМ іске асыруға қосқан үлесі туралы айтып берді.

CITIC Water Ecology компаниясының бас техникалық басшысы Zhang Jinsong Қазақстанның мұнай өнеркәсібіне экологиялық технологияларды енгізудің практикалық тәжірибесімен бөлісті.

Өрлеу» филиалының аға оқытушысы Болат Қайыроллаұлы Бұхарбаев білім беру және тұрақты даму байланысының тақырыбын қозғады.

Mr. Sinohydro Corporation Limited жобасының директоры Ху Ченг «жасыл энергияның» болашақ ұрпақтың денсаулығы үшін маңыздылығын атап өтті.

Пікірсайыстың қорытынды кезеңінде Ақтөбе облысы полиция департаментінің бөлім бастығы Айдар Асылбекұлы Оңғарбаев адам саудасына қарсы күрес шараларын күшейту бастамасын көтерді.

Жалпы гигиена кафедрасының басшысы Гүлшара Айтқалиқызы Бердешева балалар мен ересектер арасында құрамында қант бар сусындарды артық тұтынудың зиянын түсіндірді.