Ұлытау облысының елсіз аумағына «Союз МС-28» зымыран-тасығышының бір бөлігі құлаған. Оқиғаға қатысты Жасанды интеллект және цифрлық даму министрлігі ресми түсініктеме берді. Ведомство мәліметінше, зымыран-тасығыштың бірінші кезеңінің ұшуын жүзеге асырған бөліктер бастапқыда белгіленген аймаққа құлаған, деп жазады Egemen.kz.

«27 қараша күні Астана уақытымен сағат 14:27-де «Байқоңыр» ғарыш айлағынан ұшқыштар басқарған «Союз МС-28» зымыран-тасығышы сәтті ұшырылды. Зымыранның бірінші кезеңі Ұлытау аймағындағы елді мекендерден алыс белгіленген аймаққа құлады. Тұрғындарға қауіп төніп тұрған жоқ», делінген министрлік хабарламасында.

Қазір оқиға орнында «Роскосмос» мемлекеттік корпорациясының өкілдері мен Қазақстан-Ресей экологтары бірлесе жұмыс істеп жатыр. Мамандар тиісті есеп-қисапты жүргізіп, сынама алған. Алдын ала жасалған қорытындыға сай қоршаған ортаға байланысты экологиялық залал анықталмаған.

Ал Ұлытауда табылған бөлік зымыран-тасығыштың металл конструкциясы екені анықталды.

«Роскосмос» мемлекеттік корпорациясы зымыран-тасығыштың құрамдас бөлігін қалпына келтіру үшін қажетті материалдық бөлшектер жеткілікті екенін және жақын арада қалпына келтіру жұмыстары басталатынын хабарлады.