Бүгін депутаттар Үкімет пен Бас прокуратураға Ұлттық жоба қаржысын тексеру керек деп сауал жолдады.

Сөздерінше, бұл жобамен салынған білім ұяларына 4-5 есе көп қаржы бөлінеді, деп жазады inbusiness.kz сайты.

Яғни, 1 мектептің құнына 5-еуін салуға болатын көрінеді.

Қолына жекеменшік мектептің суретін әкеліп, бөлінген қаржысын салыстырған Қазыбек Иса, есепсіз миллиардтардың сұрауын алу керек дейді. Былтыр аудиторлар жайлы мектеп бойынша қазынадан бөлінген 312 млрд теңгені тиімсіз пайдаланғанын анықтаған.