Жезқазған мектептеріне қоқыс қалдықтарын бөлек жинау үшін арнайы жәшіктер орнатылуда.

Шыны, пластик және картон қалдықтарын жеке-жеке жинауға арналған экобокстар әзірге үш мектепке қойылды. Жоба «Таза Қазақстан» акциясы аясында жүзеге асырылып жатыр. Басты мақсат – мектеп оқушыларының қоқысты сұрыптау мәдениетін ерте жастан қалыптастыру. Осыған орай, жоба үйлестірушілері білім беру ұйымдарында табиғатқа ұқыпты қарау және планетаның экожүйесін сақтау тақырыптарында дәрістер өткізді. Сонымен қатар сұрыпталған қоқысты одан әрі қайта өңдеу және кәдеге жарату жолдары түсіндірілді. Келер оқу жылына дейін қаладағы барлық білім беру мекемелері экобокстармен қамтамасыз етіледі. Ең көп қоқыс жинаған мектеп бағалы сыйлықпен марапатталады.

Нұржан Қабдолданов, «Жасыл даму» АҚ Басқарма төрағасының орынбасары:

- Бұдан да басқа бізде мобильді приложение бар «экоқолдау» деген. Сол приложение арқылы осы жиналған қалдықтарды сұрыптағаннан кейін сол моблиьді жүйе арқылы оны өңдеуге жіберуге болады.