Бүгін Алматы облысының Қарасай аудандық соты актёр әрі шоумен Нұрсұлтан Жақсыгенге қатысты үкім шығарды.

Сот оны кінәлі деп танып, 2 жыл 3 ай мерзімге бас бостандығынан айырды, деп хабарлайды inbusiness.kz сайты.

Үкім жарияланғаннан соң актёр сот залында қамауға алынып отыр.

Бұл туралы жәбірленуші, актёрдің экс-әйелі Фариза Алмасқызы әлеуметтік желідегі жария етті.

Ақпаратқа сай, актёр жазасын қауіпсіздігі орташа қылмыстық-атқару жүйесі мекемесінде өтемек.

– Сот Нұрсұлтан Жақсыгенді кінәлі деп танып, оған 2 жыл 3 ай мерзімге бас бостандығынан айыру жазасын тағайындады, – деді Фариза Алмасқызы.

Іс Қылмыстық кодекстің 274-бабы 2-бөлігінің 3-тармағы бойынша қаралған. Бұл норма онлайн-платформалар арқылы көрінеу жалған ақпарат таратуға қатысты жауапкершілікті көздейді.

Жаза кетейік, мемлекеттік айыптаушы осыған дейін актёрді 3 жылға бас бостандығынан айыруды сұраған еді.

Сот жәбірленушінің азаматтық талабын ішінара қанағаттандырып, оның пайдасынаң 5 миллион теңге өндіріп беруді міндеттеп отыр.