Биыл Солтүстік Қазақстан облысында 4,4 млн гектар алқапқа дән себіледі, деп хабарлайды 24kz.

Оның басым бөлігі дәнді-дақыл. Бұл жолы диқандар егістік науқанын жылдағыдан ерте бастамақ. Өйткені өңірде қар еріп, жер қарайды. Жергілікті агроқұрылымдар тұқым қорымен толық қамтамасыз етілген. Техника да дайын. Көктемгі дала жұмыстарына 12 мың трактор шығады. Үкіметтен арзандатылған бағамен 52 мың тонна дизельдік отын бөлінді. Былтыр Президент тапсырмасымен агроөнеркәсіп саласын қолдау шаралары ұлғайтылып, фермерлерге несие беру тәртібі жеңілдеді.

Айдарбек Сапаров, ҚР Ауыл шаруашылығы министрі:

- Президент Үкіметтің кеңейтілген отырысында 700 млрд теңге көктемгі мен күзгі жұмыстарға берілетін болды. Қосымша 200 млрд теңге жаңағы арзандатылған лизинг техникаға 7 жылға берілетін болады. Бұл да үлкен қолдау. Бүгін бұл жұмыстардың бәрі басталып жатыр.