"Қызық Times" бағдарламасының кезекті шығарылымына жақында ғана көрерменге жол тартқан "Ауру" фильмінің режиссёрі мен басты кейіпкерлері қонаққа келді. Режиссёр Айтөре Жолдасқали, актёрлер Аян Өтепберген, Дильназ Құрманғали, Азат Жұмаділ және Аида Құрманғалиева түсірілім барысында болған қызықты әрі қауіпті оқиғаларымен бөлісті, деп хабарлайды KAZ.NUR.KZ.

Бағдарлама барысында актёрлер түсірілім алаңында болған күтпеген сәттер туралы айтты.

Мәселен актёр Азат Жұмаділ түсірілім кезінде мұрны сынып, ауыр жарақат алған. Бұдан бөлек актёрлар Аида мен Азаттың өміріне тікелей қауіп төнген.

Бағдарлама жүргізушілері желіде тараған сыбыстарға да тоқталып өтті. Атап айтқанда, актриса Дильназ Құрманғали рөлі үшін шашын тақырлап алып тастағаны үшін расымен де 10 миллион теңге гонорар алды ма деген сұраққа жауап берді.

Бағдарламаның "Фонограмма" айдарында қонақтар әншілік әрі пародистік қабілетін паш етті. Актёр Аян Өтепбергеннің Камшат Жолдыбаеваға жасаған пародиясы студиядағы көрермендердің көңілінен шықты.

Шығарылым соңында шоу жүргізушілері Марат Оралғазин мен Еркебұлан Мырзабек қонақтарға арнайы пранк ұйымдастырып, бағдарламаны ерекше эмоциямен аяқтады.

Толығырақ бағдарламадан көре аласыздар:

Мәтіннен қате тапсаңыз,бізге жазыңыз